汪明荃（阿姐）昨晚（24日）在红馆举行演唱会尾场，邀来容祖儿﹑杨千嬅和MIRROR成员卢瀚霆（Anson Lo，教主）担任表演嘉宾，今次亦是教主自2022年7月后，相隔2年多再踏上红馆舞台演出。。
当阿姐于唱完《像白云像清风》后说：「今次我开呢个演唱会真係好开心，因为可以借住呢个机会，同我啲歌迷见面，又可以见到好多我啲好拍档，仲有好多歌手朋友，有唔同嘅 Diva，亦都有年轻啲嘅歌手，搵佢哋做嘉宾，又个个都好好，全部都无拒绝。有一位，我话想请佢做嘉宾，佢就即刻畀咗个手势我，话畀我知OK OK，有请Anson Lo !」
Anson Lo从升到台上后，音乐便响起《紫钗恨》前奏，阿姐即说：「吓！你唱郑少秋嘅歌？」2人合唱完此曲后，阿姐说：「多谢Anson Lo，多谢晒你。」阿姐问教主出道多少年，Anson Lo答她今年出道第6年，汪阿姐讚歎：「你已经有咁多followers，犀利，你一定係好勤力，做得好好，所以有咁多人拥戴，继续加油。」Anson Lo说：「做好每一日嘅本分，唔好令到支持我嘅粉丝﹑支持我嘅神徒，支持我嘅观众同朋友失望，尽自己努力。」
阿姐说：「要做好自己！点解会请你做嘉宾？其实我哋係咪好熟？好似唔係好熟。」AnsonLo再说：「本身我哋唔係好熟，但係每一年我哋起码都会见一次，就係拜年嘅时候，咁就同你拜过几次年。每次去阿姐度拜年都好多嘢食，佢嘅萝蔔糕好好食，又可以饮到阿姐嘅汤，总之拜年嗰日嘅早餐同午餐，都千祈唔好食。」阿姐问他：「点解你会唱呢首《紫钗恨》？其实呢首歌係Anson Lo拣，唔係我拣，点解呢？」
Anson说：「首先我要多谢阿姐畀好大嘅自由度我去拣你嘅歌，我觉得呢一首歌係你其中一首经典之作，你唱得好有女人味，好有风情，好Classy好高贵，好有感情，有好多Story 嘅感觉，我每次睇你演出，同唔同单位唱呢首歌，完全係视觉歌声上享受。今（昨）日好开心，除咗唱呢首歌之外，我仲嗲咗阿姐好耐，问佢可唔可以唱多一首歌？」阿姐再问：「呢首歌好配合个环境，全部都係粉红色！好，我哋就唱呢只《迷人Pink Lady》。」
唱完后，阿姐说：「你好锺意呢首《迷人Pink Lady》啵！」教主说：「梗係锺意啦，有边个唔锺意呢首歌？」阿姐说：「好多人羡慕我可以握住Anson Lo只手。」Anson Lo再说：「好多人羡慕我可以捉住阿姐只手就真，今（昨）晚我全家都嚟欣赏你演唱会。」之后汪阿姐便把舞台交给Anson Lo。
Anson Lo唱出《Hey Hey OK!》前说：「首先好多谢好荣幸，可以接受到阿姐嘅邀请，好荣幸可以做到阿姐演唱会嘅嘉宾，呢一个演唱会嘉宾，係我谂都冇谂过，一定係我人生同事业嘅里程碑。
在座有我嘅全家同我嘅亲戚，我爹哋妈咪同我家姐都嚟咗睇，佢哋都觉得係一件好开心嘅事。呢个绝对係一个好大嘅荣幸，阿姐喺香港娱乐圈係一个经典，亦係影响咗香港咁多年以来嘅文化嘅Icon，好想大家喺呢个时候，用掌声再次多谢阿姐。」
Anson Lo接着说：「好多谢阿姐可以畀机会我上到呢个舞台，係好珍贵回忆，我重新可以踏上呢个舞台同大家一齐，可以表演畀大家睇，而表演永远係我最锺意，永远都唔会放弃嘅项目，我一定会用100%回馈番畀所有观众。」
「我本身对阿姐嘅印象，佢係冰山雪人美女，阿姐佢好有礼貌，嗰阵我同佢唔係咁熟，我唔係好够胆同佢讲嘢，我净係记得第一次拜年嗰阵，我只係默默低头喺度食，食晒佢嘅萝蔔糕，我记得阿姐第一次同我嘅对话係，问我要唔要攞一底（萝蔔糕）返屋企？咁最后我有攞到，因为太好食，我谂阿姐整嘅萝蔔糕，係我人生食过最好食嘅萝蔔糕。
之后再次去拜年，或者喺唔同嘅工作环境，见到阿姐同家英哥，佢哋就冇咗当初嗰种我自以为感受到嘅距离感，因为佢哋係一对好栽培后辈、好惜我嘅长辈，甚至乎係喺我路途上好紧要嘅老师。
阿姐今次邀请我做嘉宾，当我哋喺排练室綵排嗰阵，我都感受到阿姐嘅爱，因为每一次唱完之后，佢都同我讲『你真係唱得好好喎』，好多谢阿姐真係好Support我。唱歌方面佢畀咗好多Advice我，点样可以唱佢嘅歌再唱得好啲，佢又同我讲想加啲其他嘢都得。」
（即时娱乐）